36                  TESTAMENTS ENREGISTRÉS AU PARLEMENT DE PARIS            (276)
Milet, et Jehanin et Jehan de Justine ne chascun d'eulz ne demanderont ou partiront en aucune maniere aux heritages que j'ay lessiez aux dis Jehan Goulet et Jaquet le Vielart, mais y renonceront tout entiere­ment en prenant les lays que je leur fais; et ou cas qu'ilz ne voul­droient accepter, je les prive du dit lais et qu'ilz soient baillez aux dis Jehan Goulet et Jaquet.
Item, je lesse à la dicte Flandrine mon sercot d'escarlate brune avecques les deux chapperons de mesmes.
Item, je lesse à maistre Oudart de Trigny mon autre meilleur robe d'escarlate, après ce que Gilete de la Porte aura choisi la robe que je lui lesse.
Item, je lesse à Jenson Gaillart, mon clerc, mc frans, et si lui lesse ma robe de drap mabre rouget de Brucelles, c'est assavoir, man­teaux , sercot et chapperon de mesmes.
Item, je lesse à messire Pierre Mercier, mon chappellain, pour les bons services qu'il m'a fais et fait encores tous les jours et dont je me tieng content, uc frans avecques ma robe de Caignet, et afin qu'il prie pour moy, et que je soye en ses prieres et qu'il lui souviengne de moy, je lui lesse mon petit bréviaire complet avec l'estuy à le mettre.
Item, je lesse à Raoulet Gabaret xl frans.
Item, à Gieffroy, mon page, x frans.
Item, je lesse à messire Guillaume du Chesne, chappellain en l'eglise Nostre Dame de Paris, pour prier pour l'ame de moy, xx frans.
Item, je lesse à Gillete de la Porte nu0 frans, et si lui lesse ma meilleur robe d'escarlate, laquelle qu'elle vouldra choisir.
Item, je lui lesse douze tasses d'argent blanches, et si lui lesse six autres tasses d'argent blanches dorées par dedens.
Item, je lesse toute la vaisselle de ma cuisine, et tous mes autres liz et couvertures, et tout mon linge viel et nuef, avec mes toilles que je puis avoir, afin qu'elle en donne et distribue, pour prier pour l'ame de moy, à mes serviteurs et autres gens neccessaires, là où elle verra qu'il sera bien emploié, et par especial aux dessus dis Jenson et messire Pierre.